بھکر، 24 اکتوبر (اے پی پی):ڈسٹرکٹ پولیس آفیسر بھکر محمد نوید کی سربراہی میں بھکر پولیس نے نابینا برادری کے ساتھ ملکر بین الاقوامی سفید چھڑی کا دن منایا۔
سفید چھڑی کے بین الاقوامی دن کے موقع پرڈسٹرکٹ پولیس آفیسر بھکر محمد نوید، بلائنڈ ایسوسی ایشن کے صدر محمد ظفر اور تھیلیسیمیا کیئر ٹرسٹ سنٹر بھکر کے صدر شیخ محمد ایوب ، دیگر پولیس افسران و عوام الناس کی کثیر تعداد نے شرکت کی ،نابینا افراد میں ڈسٹرکٹ پولیس افسر بھکر محمد نوید نے سفید چھڑیاں تقسیم کرنے کے بعد انٹرنیشنل یوم تحفظ سفید چھڑی کی اہمیت کو اجاگر کرنے کے لیے ڈی پی او بھکر نے عوام الناس کے ساتھ ملکر واک کا اہتمام کیا۔ڈی پی او بھکر محمد نے کہا کہ تحفظ مرکز بھکر میں نابینا برادری کی فلاح و بہبود میں اپنا حصہ ڈالنے پر بہت فخر محسوس کیا ۔آج ہمیں یہ اعلان کرتے ہوئے خوشی ہو رہی ہے کہ ہمارے محکمے نے نابینا سفید چھڑی تقسیم کی ہے ۔
صدر بلائینڈ ایسوسی ایشن محمد ظفر نے کہا کہ نابینا اور بصارت سے محروم افراد اکثر سفید چھڑی پر انحصار کرتے ہیں۔ اس سادہ لیکن انمول ٹول (Tool) کی اہمیت کو تسلیم کرتے ہوئےبھکر پولیس نے ہمارے شہر میں نابینا کمیونٹی کے ارکان کو سفید چھڑی فراہم کرنے کا اقدام اٹھایا ہے۔
ڈی پی او کا اس موقع پر کہنا تھا کہ ہم اپنے تمام رہائشیوں کے لیے ایک جامع اور معاون کمیونٹی بنانے پر یقین رکھتے ہیں، بشمول وہ لوگ جو بصارت سے محروم ہیں اور کہا۔”سفید چھڑی’’ تقسیم کرکے، ہمارا مقصد نابینا افراد کی حفاظت کرنا اور ان کے منفرد چیلنجوں کے بارے میں بیداری بڑھانا ہے،بھکر پولیس بلائینڈ کمیونٹی کے ہر فرد کی خدمت اور حفاظت کے اپنے مشن کے لیے پرعزم ہے، چاہے ان کی صلاحیتیں کچھ بھی ہوں۔ ہم ان تنظیموں کے ساتھ مل کر کام کرتے رہیں گے جو نابینا برادری کی مدد کرتی ہیں تاکہ ان کی ضروریات پوری ہوں اور ان کی آواز سنی جائے۔انکا مزید کہنا تھا کہہ ہم عوامی تحفظ اور بہبود کو بڑھانے کے لیے اپنی کمیونٹی کے ساتھ شراکت داری میں کام کرنے کے لیے پرعزم ہیں۔
