لاہور، 2نومبر(اے پی پی): وزیراعلیٰ پنجاب محسن نقوی رات گئے بند روڈ پہنچ گئے اورکنٹرولڈ ایکسس کوریڈور پراجیکٹ کا تفصیلی دورہ کیا۔صوبائی وزراء منصور قادر،عامر میر اور اظفر علی ناصر بھی ہمراہ تھے۔
وزیراعلیٰ محسن نقوی نے 2 گھنٹے تک 7کلومیٹر سے زائد پورے روٹ کا معائنہ کیا۔وزیر اعلی محسن نقوی نے ڈیک کیلئے بنائے جانیوالے سریے کے جال پر کھڑے ہو کر جائزہ لیا۔وزیر اعلی محسن نقوی نے سگیاں، گلشن راوی اور دیگر علاقوں میں گاڑی سے اتر کر منصوبے کے کاموں کا معائنہ کیا۔
وزیر اعلی محسن نقوی نے سٹرک کے اطراف تجاوزات کو فوری ہٹانے کی ہدایت کرتے ہوئے کہا کہ سروس لین کو مزید کشادہ کیا جائے۔ انہوں نے نیسپاک، ایل ڈی اے اور کنٹریکٹر کو سروس لین کو کشادہ کرنے کے لئے ہدایات دیں۔
وزیر اعلی محسن نقوی نے کوریڈور کے دونوں پیکیج پر جاری تعمیراتی سرگرمیوں کا جائزہ لیا۔ وزیراعلیٰ محسن نقوی نے پراجیکٹ کے کاموں پر ہونے والی پیش رفت کا معائنہ کیا۔وزیراعلیٰ محسن نقوی نے کہاکہ بند روڈ کنٹرولڈ ایکسس کوریڈور منصوبے کو مقررہ مدت میں مکمل کیا جائے۔منصوبے پر کام کی رفتار سلوہے،اسے مزید تیز کیا جائے۔
وزیراعلیٰ محسن نقوی نے تعمیراتی کاموں کے دوران ٹریفک مینجمنٹ کا انتظام بہتر بنانے کی ہدایت کی۔انہوں نے کہا کہ بند روڈ پراجیکٹ کی تکمیل سے لاہور کے کسی بھی علاقے سے موٹر وے تک فوری رسائی ممکن ہوگی۔کنٹرولڈ ایکسس کوریڈورکی وجہ سے وقت اور ایندھن کی مد میں کروڑوں روپے کی بچت ہو گی۔بند روڈ ایکسس پراجیکٹ کی 5تکمیل سے لاہور کا ٹریفک سرکل مکمل ہوجائے گا۔
کمشنر لاہورڈویژن و ڈی جی ایل ڈی اے محمد علی رندھاوااور دونوں پیکیج کے کنٹریکٹرز نے پیش رفت اور دیگر امور کے بارے میں بریفنگ دی۔بریفنگ میں بتایا گیا کہ پیکیج ون میں نیازی تا سگیاں انٹرچینج اور پیکیج ٹو میں سگیاں انٹرچینج تا بابو صابو انٹرچینج کنٹرولڈ ایکسس کوریڈور تعمیرکیا جارہاہے۔کنٹرولڈ ایکسس کوریڈورکے اطراف میں بھی سڑکیں تعمیر کی جائیں گی۔
ڈپٹی کمشنر،سی ٹی او،چیف انجینئر ایل ڈی اے اورمتعلقہ حکام بھی اس موقع پر موجود تھے۔
