اسلام آباد،3نومبر (اے پی پی):سپریم کورٹ کے جج جسٹس عرفان سعادت نے حلف اٹھا لیا۔جمعرات کو سپریم کورٹ میں حلف برداری کی تقریب ہوئی۔ چیف جسٹس پاکستان جسٹس قاضی فائز عیسیٰ نے جسٹس عرفان سعادت سے عہدے کا حلف لیا۔
حلف برداری کی تقریب میں سپریم کورٹ کے تمام جج صاحبان، اٹارنی جنرل اور وکلا شریک ہوئے۔واضح رہے کہ جسٹس عرفان سعادت سندھ ہائیکورٹ کے چیف جسٹس تھے، جسٹس عرفان سعادت کی تقرری کے بعد سپریم کورٹ میں جج صاحبان کی تعداد 16 ہو گئی ہے۔یاد رہے کہ سندھ ہائیکورٹ کے قائم مقام چیف جسٹس عرفان سعادت کو سپریم کورٹ کا جج نامزد کیا گیا تھا۔
