ساہیوال ،16 نومبر( اے پی پی ): ایڈیشنل ڈسٹرکٹ اینڈ سیشن جج ساہیوال جمشید مبارک بھٹی نے سنٹرل جیل ساہیوال کا دورہ کیا، سپرنٹنڈنٹ سنٹرل جیل چوہدری اصغر علی نے استقبال کیا۔ مجسٹریٹ فرسٹ کلاس راو زبیر صابر بھی ان کے ہمراہ تھے۔
انہوں نے نوعمر وارڈ، جیل ہسپتال، خواتین وارڈ، دیگر اسیران بارکس اور منشیات بارکس کا دورہ کیا اور اسیران کے مسائل سنے۔ انہوں نے کچن اسیران کا بھی دورہ کیا اور کھانے کے معیار کو چیک کیا۔
اس موقع پرایڈیشنل ڈسٹرکٹ اینڈ سیشن جج ساہیوال جمشید مبارک بھٹی نے معمولی جرائم میں ملوث19نفر اسیران کو فوری رہا کرنے کا حکم دیا اور دیگر اسیران کے عدالتوں سے متعلقہ سوالات کے جوابات دیے۔
