کوئٹہ۔ 16 نومبر(اے پی پی ): نگران صوبائی وزیر اطلاعات بلوچستان جان اچکزئی نے کہا ہے کہ پاکستان نے افغانستان کے ساتھ بین الاقوامی سرحد پر ایک دستاویزاتی نظام رائج کر دیا ہےجبکہ-بارڈر پر پاسپورٹ پر کامیابی سے عمل درآمد بھی شروع کر دیا گیا ہے۔ان خیالات کااظہارانہوں نے جمعرات کےروز اپنے جاری کردہ بیان میں کیا نگران صوبائی وزیراطلاعات جان اچکزئی نے مزید کہا کہ چمن پاسپورٹ آفس میں تقریباً 1000 پاسپورٹ ٹوکن جاری کیے گئے اور 200 پاسپورٹ ڈیلیور کیے گئے ہیں اورقلعہ عبداللہ میں پاسپورٹ آفس بھی مکمل طور پر فعال ہے۔ نگران صوبائی وزیر اطلاعات بلوچستان جان اچکزئی نے کہا کہ ریاست پاکستان نے تمام پریشر کے باوجود ایک دستاویزاتی نظام پر عملدرآمد یقینی بنایا ہےایک دستاویزاتی نظام پر عملدرآمد کا کریڈٹ نگران وزیراعظم پاکستان آرمی چیف اور وزیر اعلیٰ بلوچستان کو جاتا ہے جنہوں نے اس کو یقینی بنایا ہے انہوں نے کہاکہ غیر قانونی تارکین وطن کو ایک بار بارڈر پار کرنے کی اجازت دی گئی ہے تاکہ وہ اپنے وطن واپس پہنچ سکیں-آئندہ بارڈر کراسنگ پاسپورٹ کی موجودگی سے مشروط ہو گئی انہوں ںے کہاکہ افغانستان کے شہریوں کو بھی اب بارڈر پار کرنے کےلئے پاسپورٹ دیکھانا ہو گا۔ صوبائی وزیر اطلاعات بلوچستان جان اچکزئی نے مزید کہاکہ ایک دستاویزاتی نظام سے بارڈر پر آمدورفت قانونی طریقے سے ممکن ہو گی۔
