بورے والا، 19 نومبر(اے پی پی):فلسطین کے عوام پر اسرائیلی ظلم و بربریت کے خلاف تقوی قرآن اکیڈمی کی خواتین اور بچوں کی احتجاجی ریلی، ریلی قومی شاہراہ ملتان روڈ سے ہوکر چونگی نمبر 5 پر اختتام پذیر ہوئی۔
تقوی قرآن اکیڈمی بورے والا کی خواتین اور بچوں کی فلسطین کے حق میں اسرائیل کے خلاف قومی شاہراہ ملتان روڈ پر احتجاجی ریلی نکالی گئی ریلی میں خواتین اور بچوں نے بینرز اور پلے کارڈز اٹھا رکھے تھے۔ریلی ملتان روڈ مدینہ کالونی سے شروع ہوکر چونگی نمبر 5 پر اختتام پذیر ہوئی۔
ریلی سے خطاب میں خواتین اور بچوں نے اسرائیل ظلم و دہشت گردی کی شدید مذمت کرتے ہوئے کہا کہ مسجد اقصٰی مسلمانوں کا مرکز ہے جسکی حفاظت کے لئے ہمارے بچے جوان بوڑھے اور خواتین قربان ہونے کو تیار ہیں،آج پھر ایک صلاح الدین ایوبی کی ضرورت ہےاور کہا یہودیوں اور صیہونی طاقتوں کو یہ پیغام دیتی ہیں کہ کوئی مسجد اقصٰی کی طرف میلی آنکھ سے نہیں دیکھ سکتا۔
