لاہور،22 نومبر ( اے پی پی ) نگران صوبائی وزیر صحت پروفیسر ڈاکٹر جاوید اکرم کی مقامی ہوٹل میں واٹر ایڈ پاکستان کی جانب سے منعقدہ آگاہی سیمینار میں بطور مہمان خصوصی شرکت۔اس موقع پر واٹرایڈ پاکستان کے کنٹری ڈائریکٹر عارف جبار خان، پارلیمنٹیرینز اور خواتین و حضرات کی کثیر تعداد نے شرکت کی۔نگران صوبائی وزیر صحت پروفیسر ڈاکٹر جاوید اکرم نے اس موقع پر اظہار خیال کرتے ہوئے کہا کہ صاف پانی پینا ہم سب کا بنیادی حق ہے، پانی اللہ پاک کی بہت بڑی نعمت ہے۔ انہوں نے کہا کہ پاکستان میں آلودہ پانی سے پیدا ہونے والی بیماریوں میں کمی لانے کیلئے بنیادی اقدامات اٹھانے چاہئیں۔ نگران صوبائی وزیر صحت پروفیسر ڈاکٹر جاوید اکرم نے اس موقع پر واٹرایڈ پاکستان کے کنٹری ڈائریکٹر عارف جبار خان سے یادگاری شیلڈ بھی وصول کی۔
