لاہور، 12دسمبر( اےپی پی): نگران وزیراعلیٰ پنجاب محسن نقوی کی خصوصی ہدایت پرمحکمہ لائیوسٹاک نے مفید مادہ جانور کو ذبح کرنے پرپابندی عائد کردی ہے ، پابندی کااطلاق پنجاب کے تمام اضلاع میں ہوگا ۔
وزیراعلیٰ محسن نقوی کی زیر صدارت لائیو سٹاک کی ترقی کیلئے اجلاس منعقد ہوا جس میں پنجاب کے لائیوسٹاک سیکٹر کی پیداوار میں اضافے کے لئے ایمرجنسی لگانے کا فیصلہ بھی کیا گیا۔ نگران وزیراعلیٰ نے اجلاس کو بتایا کہ پنجاب میں جانوروں کے بیماریوں سے پاک زون قائم کیے جائیں گے۔ انہوں نے لائیو اسٹاک پیداوار اور ایکسپورٹ بڑھانے کے لیے 4 روز میں حتمی پلان طلب کرلیا اور کہا کہ سعودی عرب، کویت، امارات میں لائیو اسٹاک ایکسپورٹ کرنے کی بہت گنجائش ہے۔
وزیراعلی نے کہا کہ یہ وقت ایکشن کاہے اورہم نے بغیر وقت ضائع کئے پیداوار اور ایکسپورٹ بڑھانے کے لئے فوری اقدامات کرنے ہیں۔
