اسلام آباد، 12 دسمبر (اےپی پی):محمد شبیر کو 13ویں چیئرمین جوائنٹ چیفس آف اسٹاف کمیٹی اوپن گالف چیمپئن شپ 2023 کا فاتح قرار دے دیا گیا ہے۔
چیمپئن شپ کی اختتامی تقریب کراچی گالف کلب میں منعقد ہوئی۔ چیف آف دی نیول اسٹاف ایڈمرل نوید اشرف اختتامی تقریب کے مہمانِ خصوصی تھے۔
ترجمان پاک بحریہ کے مطابق اس موقع پر نیول چیف نے کہا کہ کھیلوں کا فروغ ایک صحت مند معاشرے کیلئے انتہائی ضروری ہے۔
چیف آف دی نیول اسٹاف ایڈمرل نوید اشرف نے چیمپئن شپ کے فاتحین میں انعامات تقسیم کیے۔
