اسلام آباد،14 دسمبر (اے پی پی): آئندہ چوبیس گھنٹوں کے دوران ملک کے بیشتر میدانی علاقوں میں موسم سرد اور خشک رہے گا جبکہ بلوچستان کے مغربی اضلاع میں مطلع ابرآلود رہنے کے علاوہ بارش ہو سکتی ہے۔ پنجاب،خیبر پختونخوا کے میدانی علاقوں اور بالائی سندھ میں رات کے اوقات میں سموگ / دھند چھائے رہنے کا امکان ہے۔
گزشتہ چوبیس گھنٹوں کے دوران ملک کےبیشتر علاقوں میں موسم سرد اور خشک جبکہ شمالی علاقوں میں شدید سرد رہا۔
آج ریکارڈ کیے گئے کم سے کم درجہ حرارت کے مطابق لہہ منفی میں 11،اسکردو منفی 07،کالام منفی 06، گلگت، سری نگر منفی 05، گوپس منفی 04، قلات ،راوالاکوٹ، دیر اور استور میں منفی 03 ڈگری سینٹی گریڈ ریکارڈ کیا گیا۔
