کراچی،29 دسمبر (اے پی پی):نگراں وفاقی وزیر برائے مذہبی امور انیق احمد نے ملک میں بین المذاہب ہم آہنگی برقرار رکھنے کے لیے گرجا گھروں، مندروں اور گوردوارے کا جمعہ کو دورہ کیا۔ انہوں نے سینٹ پیٹرکس کیتھیڈرل چرچ اور ہولی ٹرنیٹی چرچ کا دورہ کیا۔
میڈیا سے گفتگو کرتے ہوئے نگراں وفاقی وزیر انیق احمد نے کہا کہ ہم آہنگی برقرار رکھنے کا پیغام دینا چاہتے ہیں، ہم انسان ہیں اور یہی ہمارا بڑا تعارف ہے۔انہوں نے کہا کہ سکھ، ہندو اور مسیحی برادری ہمارے ساتھ ہے۔ انہوں نے کہا کہ اسلام انسانیت کی اہمیت کا درس دیتا ہے۔
وفاقی وزیر نے کہا کہ ہمیں ایک دوسرے کا خیال رکھنا چاہیے اور دکھ کے وقت ہمدردی اور اچھے وقت میں خوشیاں بانٹنی چاہیے۔انہوں نے مزید کہا کہ ہم ملک میں متحد رہتے ہیں۔انہوں نے کہا کہ پاکستان ایک امن پسند ملک ہے اور اس کی 97 فیصد آبادی مسلمانوں اور 3 فیصد اقلیتوں کی ہے۔
