اسلام آباد،16 فروری(اے پی پی ): 33 ویں فجراوپن تایکوانڈو G-1 چیمپین شپ میں پاکستان کے حمزہ سعید نے گولڈمیڈل جیت لیا، ایران کے دارالخلافہ تہران میں کھیلے گئے +87 کیٹیگری کے فائنل میں حمزہ سعید نے ایران کے محمدابراہیم حسینی کو 9-1 اور 14-3 سے شکست دیکر کامیابی حاصل کی، سیمی فائنل میں حمزہ سعید نے ایران کےعامرمحمد کیخلاف کامیابی حاصل کی تھی جبکہ-54 کیٹیگری فائنل میں پاکستان کے شاہ زیب خان نے سلورمیڈل اپنے نام کیا۔
فجراوپن تائیکوانڈو چیمپین شپ میں ایران نے پہلی، پاکستان نے دوسری اور قازقستان نے تیسری پوزیشن حاصل کی جبکہ پاکستان آرمی سے تعلق رکھنے والے حمزہ سعید فجراوپن کے بہترین کھلاڑی قرار پائے۔
پاکستانی ٹیم تہران میں ہی 16 تا 19 فروری تک ہونے والے ورلڈ تائیکوانڈو پریذیڈنٹ ایشیاء کپ اور 21تا22 فروری ایشین کلب تایکوانڈو چیمپئین میں بھی حصہ لے گئی۔
