سیالکوٹ،01 مارچ (اے پی پی):پتنگ بازی ایک خونی اور جان لیوا کھیل ہے ، اس خونی کھیل سے بچوں کو دور رکھنے اور والدین کو اس کے نقصانات سے آگاہ کرنے کے لیے ڈی پی او سیالکوٹ محمد حسن اقبال کی ہدایات پر ضلع بھر میں ڈی ایس پی اور ایس ایچ او صاحبان کی پتنگ بازی کےخلاف آگاہی واک کا انعقاد کیا گیا ۔ واک میں سول سوسائٹی کے ارکان ، پریس کلب کے نمائندگان ، صحافی برادری، مختلف سکول و کالجز کے طلباء اور اساتذہ کی کثیر تعداد نے شرکت کی۔ترجمان نے کہا کہ قاتل ڈور پھرنے سے متعدد قیمتی انسانی جانیں ضائع ہو چکی ہیں, واک کا مقصد والدین اور بچوں کو پتنگ بازی کے نقصانات سے آگاہ کرنا اور پتنگ بازی اور پتنگ فروشی پر قائم کئے جانے والے مقدمات سے آگاہی دینا تھا۔
