لاہور، 04 مارچ ( اے پی پی):آئی جی پنجاب ڈاکٹر عثمان انور نے کہا ہے کہ وزیر اعلی پنجاب مریم نواز شریف کے ویژن کے مطابق شہریوں کو پولیسنگ کی بہترین سہولیات کی فراہمی یقینی بنائیں گے۔
ان خیالات کا اظہار انہوں نے سنٹر فار پبلک سیفٹی لوئر مال کے دورے کے دوران کیا۔ آئی جی پنجاب ڈاکٹر عثمان انور نے کہا کہ سنٹر فار پبلک سیفٹی میں شہریوں کو بہترین ماحول میں جدید پولیسنگ سہولیات فراہم کی جائیں گی ۔ سپروائزری افسران مقررہ ٹائم لائن سے قبل تمام تعمیراتی کام کو مکمل کروائیں۔
آئی جی پنجاب نے زیر تعمیر عمارت کے تعمیراتی کام کا معائنہ کیا ۔ڈی آئی جی آپریشنز علی ناصر رضوی اور ایس ایس آپریشنز علی رضا نے آئی جی پنجاب کو زیر تکمیل کام بارے بریف کیا۔ آئی جی پنجاب نے عمارت کے مختلف حصوں میں جاری کام کا معائنہ کیا اور ہدایات جاری کیں ۔
ڈی آئی جی آپریشنز لاہور سید علی ناصر رضوی، ایس ایس پی آپریشنز لاہور علی رضا، ایس ڈی پی او گلبرگ سیدہ شہربانو نقوی سمیت دیگر افسران موقع پر موجود تھے ۔
