ملتان،06 مارچ(اے پی پی): ملتان ڈویژن کی کمشنر مریم خان نے وائس چانسلر پروفیسر ڈاکٹر محمد رمضان کے ہمراہ ایمرسن یونیورسٹی میں رنگا رنگ کلچرل بہار فیسٹول کا افتتاح کیا۔
افتتاح کے موقع پر کمشنر مریم خان نے مختلف سٹالز کا معائنہ کیا ۔انہوں نے طالب علموں اور منتظمین کی محنت کو سراہتے ہوئے کہا کہ صرف درسی کتب ہی تعلیم نہیں بلکہ ہم نصابی سرگرمیاں اس کا اہم جزو ہیں۔
اس موقع پر طالب علموں سے خطاب کر تے ہوئے کمشنر مریم خان نے کہیا کہ صحت مند جسم صحت مند ذہن کا ضامن ہے۔ انہوں نے کہا کہ تعلیمی سرگرمیوں کیساتھ ہم نصابی سرگرمیاں بھی طلباءکی شخصیت سازی کیلئے ناگزیر ہیں۔انہوں نے کہا کہ پاکستان کی ثژقافت مختلف رنگوں کا حسین امتزاج ہےہمیں عالمی سطح پراپنی ثقافت کو کو فروغ دے کر امن کا پیغام دینا ہوگا۔
ایمرسن یونیورسٹی کے وائس چانسلر پروفیسر ڈاکٹر محمد رمضان نے کہا کہ قومی ثقافت کی اہمیت سے انکار ممکن نہیں کوئی قوم اس وقت تک مضبوط نہین ہو سکتی ہے جب تک اسے یہ نہ معلوم ہو کہ معلوم ہو کہ اس کی ثقافت کیا ہے انہوں نے کہا کہ جس طرح ادب جذبات کو خوبصورتی عطا کرتے ہیں اسی طرح تہذیب و ثقافت انسان کی فطرت میں خوبصورتی پیدا کرتے ہیں اس کو بناتے اور سنوارتے ہیں اور اسے ایسا نصب العین فراہم کرتے ہیں جس سے معاشرے مینں نکھار پیدا ہو۔
