سرگودھا ،07 مارچ (اے پی پی):وزیر اعلیٰ پنجاب مریم نواز شریف پہلی کابینہ اجلاس کے بعد سرگودھا پہنچ گئیں،وزیر اعلیٰ مریم نواز شریف نے سرگودھا میڈیکل کالج کا دورہ کیا اور سرگودھا انسٹی ٹیوٹ آف کارڈیالوجی کے لئے مجوزہ سائٹ کا جائزہ لیا۔
وزیر اعلیٰ مریم نواز شریف کوانسٹی ٹیوٹ آف کارڈیالوجی پراجیکٹ پر بریفنگ دی گئی۔کارڈیالوجی انسٹیٹیوٹ میں کارڈیالوجی وارڈ، کیتھ لیب،انجیو وارڈ، نرسنگ ڈاکٹر ہوسٹل اور دیگر شعبے قائم ہونگے۔
اس موقع پر وزیر اعلی پنجاب مریم نواز شریف نے کہا کہ انسٹی ٹیوٹ آف کارڈیالوجی میں سی سی یو، آئی سی یو اور او پی ڈی شامل ہے ۔انہوں نے کہا کہ ہسپتال کی تعمیر کے لئے عوام کی امدورفت میں آسانی کو مد نظر رکھا جائے، سرگودھا ڈی ایچ کیو ہسپتال کو بھی آپ گریڈ کیا جائیگا ۔
رکن قومی اسمبلی ڈاکٹر ذوالفقار،سینر صوبائی وزیرمریم اورنگز یب ،صوبائی وزیر خواجہ سلمان رفیق ، خواجہ عمران نزیر،صہیب بھرتھ ، مشیر پرو یز رشید،چیف سیکرٹری، سیکرٹریز، کمشنرسرگودھا، آر پی او، ڈپٹی کمشنر اور دیگر حکام بھی اس موقع پر موجود تھے ۔
