اسلام آباد،08 مارچ(اے پی پی): صدر مملکت ڈاکٹر عارف علوی کی جانب سے نیشنل لائبریری آف پاکستان کو کتابیں بطور تحفہ پیش کی گئیں۔
صدر مملکت نے کتابیں نیشنل لائبریری آف پاکستان اور قومی ورثہ و ثقافت ورثہ ڈویژن کے نمائندوں کو پیش کیں اور کہا کہ قوم میں کتب بینی کا کلچر فروغ دینے کی ضرورت ہے۔ 5 سالہ دور میں نوجوانوں کی کتب بینی کیلئے حوصلہ افزائی کرتا آیا ہوں، لائبریریاں لوگوں کی علم تک رسائی بڑھانے میں اہم کردار ادا کرتیں ہیں۔
انہوں نے کہا کہ طلباء ملک میں موجود لائبریریوں کی سہولیات سے بھرپور استفادہ کریں، لائبریریاں علم کے فروغ کے ساتھ نئے خیالات کے تبادلے میں بھی اہم کردار ادا کرتیں ہیں، لائبریریز کی سہولت سے ہر عمر کے افراد فائدہ اٹھا سکتے ہیں۔
