سکھر،14مارچ(اے پی پی) ایس ایس پی زبیر نظیر احمد شیخ کے احکامات پر اے ایس پی سٹی محمد عثمان خان نے شہر کے اہم مقام صرافہ بازار میں ڈیوٹی پر تعینات پولیس افسران و جوانوں کے ساتھ روزہ افطار کیا۔
اس موقع پر اے ایس پی سٹی نے شہریوں اور تاجروں سے بھی ملاقات کی اور رمضان کہ حوالے سے امن امان کی صورتحال پر تبادلہ خیال کیا، اے ایس پی نے ٹریفک سارجنٹس کو بھی ہدایات جاری کیں کہ رمضان المبارک کے دوران شہر اور بازاروں رش کہ دوران ٹریفک کہ روانگی کو برقرار رکھا جائے ۔
اے ایس پی سٹی کا کہنا تھا کہ جوانوںکے ساتھ روزہ افطاری کا مقصد ان کی حوصلہ افزائی ہے جو شدید گرمی اور روزے کی حالت میں عوام کی جان و مال کے تحفظ کو یقینی بنانے کے ساتھ ہمیشہ چست اور پیش پیش رہتے ہیں اور شہریوں کو یقین دلانا ہے کہ پولیس آپ کی حفاظت کی لئے 24 گھنٹے بازاروں میں ہے ۔
