لاہور4اپریل(اے پی پی): وزیراعلیٰ پنجاب مریم نواز شریف سے ازبکستان کے سفیر اوبیک عارف عثمانوف (ObekArifUsmanov) نے ملاقات کی۔ازبکستان کے سفیر اوبیک عارف عثمانوف نے وزیر اعلیٰ مریم نواز کو پہلی خاتون وزیر اعلی کا منصب سنبھالنے پر مبارکباد پیش کی۔ وزیر اعلیٰ مریم نواز نے ازبک سفیر کا شکریہ ادا کیا اور نیک خواہشات کا اظہار ملاقات میں باہمی دلچسپی کے امور پر گفتگو کرتے ہوئے ازبک سفیر اوبیک عارف عثمانوف نے قائد محمد نواز شریف کے وسطی ایشیائی ریاستوں کے تجارتی روٹس کے ویژن کو سراہا اوبیک عارف عثمانوف نے کہا کہ محمد نواز شریف ویژنری لیڈر ہیں،ان کی کاوشوں کی وجہ سے سینٹرل ایشیاء میں ٹریڈ کو فروغ ملااور ترقی کے راستے کھلے۔ محمد نواز شریف نے خطے میں تجارتی سرگرمیوں کے فروغ کے لئے قابل قدر کردار ادا کیا۔ازبک سفیر اوبیک عارف عثمانوف نے محترمہ کلثوم نواز شریف مرحومہ کی پاکستان میں جمہوریت کے لئے خدمات کو بھی سراہا.انھوں نے کہا کہ وزیراعلی مریم نواز شریف پنجاب کے عوام بالخصوص یوتھ کی فلاح وبہبود کے لئے قابل قدر خدمات سرانجام دے رہی ہیں۔ ملاقات میں تعلیم،صحت زراعت سمیت مختلف شعبوں میں معاشی تعاون بڑھانے پر تبادلہ خیالملاقات میں فارماسیوٹیکل اور سرجیکل آلات کی باہمی تجارت پر تبادلہ خیال کیاگیا اور گارمنٹس کی درآمدات اور برآمدات کو فروغ دینے پر اتفاق کیا۔پنجاب میں ازبکستان سے جدید زرعی مشینری امپورٹ کرنے سے متعلق امور پر بھی گفتگو کی گئی۔مریم نواز شریف نے کہا کہ برادر ملک ازبکستان برادر ملک ہے، سماجی اور معاشی تعلقات مزید مستحکم کرنا چاہتے ہیں اور ازکستان کے ساتھ معاشی اشتراک کارچاہتے ہیں۔سینئر صوبائی وزیر مریم اورنگزیب، پرویز رشید اور دیگر حکام نے اجلاس میں شرکت کی۔
