ملتان 08، اپریل(اے پی پی) چائلڈ پروٹیکشن بیورو کے ترجمان راو نوید مختار نے کہا کہ عیدالفطر کے پُر مسرت موقع پر چائلڈ پروٹیکشن بیورو کی چئیر پرسن سارہ احمد کی ہدایت پرادارے میں رہائش پذیر بچوں میں عید تحائف تقسیم کیے گئے ۔
چائلڈ پروٹیکشن بیورو کے ڈسٹرکٹ انچارج شفاعت ظفر اور دیگر افسران نے بچوں میں عید کے نئے کپڑے اور جوتے تقسیم کئے اور کہا چائلڈ پروٹیکشن بیورو میں رہائش پذیر مستحق بچوں نے نئے کپڑے جوتے دیکھ کر خوشی اور مسرت کا اظہار کیا۔
چائلڈ پروٹیکشن بیورو کے ڈسٹرکٹ انچارج شفاعت ظفر نے کہا کہ عیدالفطر کے اس پُر مسرت موقع پر ادارے میں رہائش پذیر بچوں کے لئے رنگا رنگ پروگرام کا اہتمام بھی کیا جائے گا اور محکمے کے افسران ادارے میں رہائش پذیر بچوں کے ساتھ عید منائیں گے اور بچوں کے لئے عید کے تینوں دن کے منفرد کھانوں کے مختلف سٹالز بھی لگائے جائیں گے ۔
