ملتان،16 مئی(اے پی پی):کمشنر مریم خان نے کہا کہ پٹرولیم منصوعات کی قیمتوں میں کمی کے تناسب سے مارکیٹ میں اشیاء خوردونوش کی قیمتوں کو مانیٹر کیا جائے اور کہا حکومت نے پیٹرول کی قیمتیں کم کر کے عوام کو براہ راست ریلیف دیا ہے،جو ریلیف حکومت نے دیا،اس کے ثمرات عوام تک پہنچائیں۔
اجلاس میں غلہ وسبزی منڈیوں،ہول سیل ڈیلرز کی سپلائی لائن کی چیکنگ کا فیصلہ کیا گیا ہے کمشنر نے الٹی میٹم دیتے ہوئے کہا کہ طلب و رسد کے نظام کو شفاف بناکر کمیشن مافیا کے گرد گھیرا تنگ کیا جائے اور کہا ذخیرہ اندوز،کمیشن مافیا کڑے احتساب کیلئے تیار ہوجائیں اور کہا ہول سیل ڈیلرز عوام کا احساس کرتے ہوئے سستی سپلائی ممکن بنائیں۔
مریم خان نے کہا روٹی، نان کی نوٹیفائیڈ قیمتوں پر ہر صورت عملدرآمد کروایا جائے،ڈپٹی کمشنرز سٹیک ہولڈرز سے مشاورت کے بعد سرکاری ریٹس کا نوٹیفیکیشن کریں اور کہا مقامی اجناس کی مارکیٹ میں گراں فروشی کسی صورت برداشت نہیں کی جائے گی،منڈی سے کریانہ تک اشیاء خوردونوش کی قیمتوں کی سخت مانیٹرنگ کی جائے۔
اجلاس میں ڈپٹی کمشنرز، ایڈیشنل کمشنرز متعلقہ محکموں کے افسران بھی موجود تھے۔
