پشاور، 16 مئی (اے پی پی):گورنر خیبرپختونخوا فیصل کریم کنڈی نے کہا ہے کہ خیبرپختونخوا میں تمام اقلیتوں بالخصوص مسیحی برادری کی شعبہ تعلیم سمیت تمام شعبوں میں خدمات قابل تحسین ہیں۔
ان خیالات کا ا ظہارانہوں نے ڈپٹی سپیکر سندھ اسمبلی اینتھنی نوید سے گفتگو میں کیا۔ ملاقات میں بشپ آف پاکستان ہمفرے سرفراز پیٹر بھی شامل بھی موجود تھے۔ ڈپٹی سپیکر اور بشپ سرفراز پیٹر نے فیصل کریم کنڈی کو گورنر کا عہدہ سنبھالنے پر مبارکباد دی اور گلدستہ پیش کیا۔ گورنر نے مبارکباد کیلئے تشریف لانے پر ڈپٹی سپیکر سندھ اسمبلی اینتھنی نوید اور بشپ سرفراز پیٹر کا شکریہ ادا کیا۔
گورنرنے صوبے میں اقلیتوں کو درپیش مسائل کے حل کیلئے ترجیحی بنیادوں پر کردار ادا کرنے اور تعاون کی یقین دہانی کرائی۔ انہوں نے ملکی ترقی و خوشحالی میں اقلیتی برادری کے کردار کو سراہااور کہاکہ خیبرپختونخوا میں تمام اقلیتوں بالخصوص مسیحی برادری کی شعبہ تعلیم سمیت تمام شعبوں میں خدمات قابل تحسین ہیں۔
