ملتان،20 مئی(اے پی پی):ضلع بھر میں ڈینگی لاروا کی تلفی کیلئے سکریننگ اور سپرے کا سلسلہ تیز کردیا گیاہے۔
ڈپٹی کمشنر کیپٹن ریٹائرڈ رضوان قدیر کا اچانک نشتر ہسپتال ڈینگی وارڈ کا دورہ کیا اور ڈینگی وارڈ میں طبی سہولیات اور مریضوں کو فراہم ٹریٹمنٹ کی انسپکشن کی اور انہوں نے ڈینگی پورٹل کو اپ ڈیٹ کرنے اور مریضوں کا مکمل ریکارڈ رکھنے کا حکم دیا۔ایم ایس نشتر ہسپتال ڈاکٹر محمد کاظم نے ڈینگی وارڈ میں طبی سہولیات پر بریفنگ دی۔
رضوان قدیر نے نشتر ہسپتال کے وارڈز کی اپ گریڈیشن اور مرمتی کام کا بھی جائزہ لیا اور کہا ضلع بھر میں ڈینگی وائرس کی روک تھام کیلئے زیرو ٹالرنس پالیسی نافذ کی ہے اور نشتر سمیت تمام ہسپتالوں میں ڈینگی وارڈ مکمل فعال اور ادویات دستیاب ہیں اور کہا شہری ڈینگی سے بچاؤ کیلئے اپنے اردگرد کے ماحول کو خشک اور صاف رکھیں۔
