کراچی، 23مئی(اے پی پی):وفاقی وزیرداخلہ محسن نقوی کے احکامات پر پاکستان کوسٹ گارڈز نے منشیات اور سمگلنگ کی روک تھام کے لیے ساحلی پٹی پر کریک ڈاؤن کیا، جس دوران پاکستان کوسٹ گارڈز نے 2052 کلو چرس، 5837 کلو سپاری، گٹکامکس،سگریٹ اور کپڑے کو ضبط کر لی۔کارروائی کے دوران 7 سپیڈ بوٹس، 18 گاڑیاں، 2 لاکھ 93 ہزار لیٹر پیٹرول و ڈیزل بھی قبضے میں لے لیا گیا جبکہ ڈیری و بیکری مصنوعات،گروسری آئٹمز اور کاسمیٹکس مصنوعات بھی پکڑی گئی ہیں۔کارروائی کے دوران الیکٹرک سامان، اپلائنس،ٹائرز۔م، سپیر پارٹس بھی ضبط کر لیے گئے ہیں۔ آپریشن کے دوران 25 غیر قانونی تارکین وطن بھی پکڑے گئے ہیں۔
اس حوالے سے وفاقی وزیرداخلہ محسن نقوی نے منشیات اور سمگلنگ کے خلاف پاکستان کوسٹ گارڈز کی کارکردگی کو سراہا اور منشیات و سمگلنگ مافیا کی سرکوبی کے لئے کریک ڈاؤن تیز کرنے کی ہدایت کی۔وزیر داخلہ نے کہا کہ منشیات اور سمگلنگ مافیا کے خلاف بلا تفریق کارروائی جاری رکھی جائے۔
