پشاور، 23مئی(اے پی پی): خیبر پختونخوا کا دوسرا خصوصی طیارہ بشکیک سے پشاور باچا خان انٹرنیشنل ائیرپورٹ پہنچ گیا ہے ۔
ترجمان پی ڈی ایم اے کیمطابق تقریباً 300 کے قریب پاکستانی طلبہ کو بحفاظت وطن واپس لایا گیا ہے جنکو پاکستان آمد پر خوش آمدید کہنے کے لئے ڈی جی پی ڈی ایم اے اور دیگر اعلی حکام پشاور ائیرپورٹ پر موجود تھے۔ کرغزستان سے آنے والے پاکستانی طلبہ کے والدین کی بڑی تعداد بھی اپنے پیاروں سے ملنے کے لیے ائرپورٹ پر موجود تھی۔
ڈی جی پی ڈی ایم اے نے کہا ہے کہ پی ڈی ایم اے کی جانب سے کرغزستان سے وطن واپسی پر طلبہ و طالبات کو اپنے اپنے علاقوں تک بحفاظت پہچانے کے لیے ٹرانسپورٹ کی سہولت بھی فراہم کی گئی ہے۔تاہم، مزید معلومات و راہنمائی کے لیے کرغزستان میں پھنسے پاکستانی طلبہ و طلبات واٹس ایپ نمبرز(03433333049)(03440955550) جبکہ والدین پی ڈی ایم اے کی ہیلپ لائن 1700 پر رابطہ کرسکتے ہیں۔
