تاجکستان، مئی 30 (اے پی پی): وفاقی وزیر سرمایہ کاری عبدالعلیم خان نے آج تاجکستان کی اہم کارباری شخصیات سے ملاقاتیں کیں جن میں ٹیکسٹائل، فارماسوٹیکل،کنسٹرکشن، آئی ٹی، بینکوں اور ائیر لائنز سے وابستہ10 بڑے بزنس گروپس شامل ہیں ۔
ملاقات کے دوران سرمایہ کاروں نے پاک تاجکستان بارڈر کے نزدیک امپورٹ/ایکسپورٹ کیلئے گڈز ٹرمینل کی تعمیرات میں دلچسپی کا اظہار کیا ۔
اس موقع پر بات کرتے ہوئے کہا کہ وفاقی وزیر عبدالعلیم خان نے پاکستان سے بزنس ٹو بزنس سرگرمیوں کے لئے ہر ممکن تعاون و سرپرستی کی یقین دہانی کروائی اور کارباری سرگرمیوں اور تجارت کیلئے پاکستان سینٹرل ایشیا کی بڑی منڈی ثابت ہو سکتا ہے۔سینٹرل ایشیا کے بزنس مینوں کے لئے پاکستان کے دروازے ہمیشہ کھلے ہیں۔
وفاقی وزیر نے کہا کہ مستقبل قریب میں پاکستان کا پرائیویٹ سیکٹر دیگر ملکوں سے تجارت کیلئے آگے آئے گا اورغیر ملکی سرمایہ کاروں کو پاکستان میں اکنامک فری زون اور دیگر مراعات دیں گے امید ہے تاجکستان اور پاکستان کے مابین دو طرفہ کارباری حجم میں مزید اضافہ ہوگا۔عبدالعلیم خان نے کہا کہ تاجکستان کا دورہ انتہائی مفید رہا، دو طرفہ بزنس وفودکا تبادلہ عمل میں لائیں گے، دوشبنے میں مہمان نوازی سے لطف اندوز ہوئے،آپ کی پاکستان میں میزبانی کرینگے۔
تاجکستان کے کارباری گروپس نے وفاقی وزیر سرمایہ کاری عبدالعلیم خان کی پیشکش پر آمادگی اور مسرت کا اظہار کیا اور پاکستان میں جلد مختلف شعبوں میں سرمایہ کاری کریں گے۔
