کوئٹہ،05 جولائی (اے پی پی) ؛پاکستان پیپلزپارٹی کے چیئرمین بلاول بھٹو زرداری سے پی پی پی شعبہ خواتین بلوچستان کے وفد سے وزیراعلی ہاوس میں ملاقات، چیئرمین بلاول بھٹو زرداری کے ہمراہ وزیراعلیٰ بلوچستان سرفراز بگٹی بھی موجود تھے ،خواتین وفد نے چیئرمین بلاول بھٹو زرداری کو صوبے میں خواتین کے تنظیمی و سیاسی مسائل سے آگاہ کیا گیا۔
چیئرمین بلاول بھٹو زرداری اور پی پی پی بلوچستان کے شعبہ خواتین کے وفد کے درمیان اداروں میں خواتین کی متناسب نمائندگی سمیت مختلف امور پر تبادلہ خیال کیا گیا ،چیئرمین بلاول بھٹو زرداری نے وزیراعلیٰ بلوچستان سرفراز بگٹی کو پی پی پی شعبہ خواتین کی کارکنان اور عہدیداران کے مسائل فوری حل کرنے کی ہدایت کی۔
پاکستان پیپلزپارٹی شعبہ خواتین بلوچستان کے وفد میں صوبائی صدر غزالہ گولو، انفارمیشن سیکرٹری کرن بلوچ سینئر نائب صدور پروین مینگل، کلثوم افتخار، محمودہ نسرین اور ڈپٹی جنرل سیکریٹری سکینہ عبداللہ خان سمیت پاکستان پیپلزپارٹی شعبہ خواتین بلوچستان کے وفد میں نائب سیکریٹری اطلاعات بینظیر گولہ، صباءکاکڑ اور رابطہ سیکریٹری حور شاہوانی ضلعی صدر کوئٹہ بلقیس اعوان بھی موجود تھیں۔
