حب،09 جولائی (اے پی پی ):ڈپٹی کمشنر روحانہ گل کاکڑ کا حب عوام اور کسانوں کیلئے احسن اقدام، حب کینال میں پانی ملنے کے بعد کسانوں میں خوشی کی لہر دوڑ گئی، حب کینال عرصہ تین سال سے پیرکس کی جانب ٹوٹ کر فنڈز کی کمی کی وجہ سے بند تھی۔ حب عوامی احتجاج کا نوٹس لیکر ڈی سی حب نے ذاتی دلچسپی سے ایکسیئن ایریگیشن عبدالجبار زہری کی باہمی دلچسپی سے نہر کا دوبارہ سروے مکمل کرکے نہر کو درست کیا ،نہر کی صفائی کرنے کے بعد آج پیرکس کی پانی فراہمی بحال ہوئی ۔
پیرکس عوام نے ڈپٹی کمشنر حب روحانہ گل کاکڑ تہہ دل سے انکا شکریہ ادا کیا اور انکی بہترین کارکردگی کو سراہتے ہوئے کہا کہ پیرکس کو کئی سالوں کے بعد پانی فراہمی کا سہرا ڈپٹی کمشنر روحانہ گل کاکڑ کے سر جاتا ہے۔ انھوں نے کہا کہ ہم امید کرتے ہیں کہ ڈی سی حب کینال سے پانی کی فراہمی کے سلسلے کو اسی طرح جاری ساری رکھیں گی۔
