سکھر،12جولائی(اے پی پی): پولیس کی جانب سے 5 محرم الحرام پرانہ سکھر کے قدیمی ماتمی جلوس کو ممکنہ خطرات کے پیش نظر سیکیورٹی پلان تشکیل دے دیا گیا،جلوس کی گذرگاہوں سمیت دیگر راستوں کوخاردار تاریں اور رکاوٹیں لگا کر بند کیا گیا ہے۔
متصل تمام چھوٹے بڑے راستوں کو مکمل طور پر سیل کردیا گیا،ماتمی جلوس کے لیئے ایک داخلی اور خارجی راستہ بنایا جائے گا جبکہ تین سے زائد چیکنگ پوائنٹس سے عزاداروں کو مکمل جامعہ تلاشی کے بعد گزارا جائیگا۔
ترجمان ایس ایس پی کے مطابق5 محرم الحرام کو، 700 سے زائد پولیس افسران و اہلکار 150 رینجرز آفیشل جبکہ 200 اسکاﺅٹس جوان بھی فرائض انجا م دینگے ،5 محرم کو برآمد ہونے والے ماتمی جلوس کی سی سی ٹی وی کے ذریعے بھی نگرانی کی جائے گی ان کا کنٹرول روم پرانہ سکھر میں قائم کر دیا گیا ہے۔
ماتمی جلوس کی گذرگاہوں میں آنے والی بلند عمارتوں پر رینجرز اور پولیس کے بہترین نشانے باز بھی تعینات کئے گئے ہیں، جلوسوں میں سادہ لباس خفیہ پولیس کے اہلکار حصار کی شکل میں سیکیورٹی کے فرائض انجام دینگے۔
