قصور،13جولائی(اے پی پی): ملک بھرکی طرح قصورمیں بھی محرم الحرام پر مجالس منعقد کئے جا رہے ہیں اورجلوس نکالے جا رہے ہیں ۔آج6محرم الحرام کے موقع پرمولاغازی عباس علمدارکامرکزی جلوس قصورمیں امام بارگاہ حسینیہ کوٹ رکندین خاں سے برآمدہوا۔اس موقع پر ماتمی جلوس بھی برآمدہوا،نوحہ خوانی کی گئی،ماتم کیاگیااورننھے منھے بچوں نے بھی مولاغازی عباس علمدارکوبھی پُرسادیا،جگہ جگہ ٹھنڈے مشروبات کی سبیلیں بھی لگائی گئیں۔قصورپولیس کی طرف سے سیکورٹی کے بھی فول پروف سخت انتظامات کئے گئے۔
مولاغازی عباس مولاعلی شیرخداکے بہادر بیٹے تھے جن کی شجاعت کے قصے آج بھی مشہور ہیں اورمولاغازی عباس علمدار،مولاحسین علیہ السلام کی فوج کے دستے کے علمبردارتھے۔6محرم الحرام کے موقع پر مولاغازی عباس علمدارکو پُرسا دینے کیلئے اہل تشیع اورعوام کی کثیرتعدادبھی موجودتھی۔
