بھکر،05اگست(اے پی پی):ڈپٹی کمشنر علی اکبر بھنڈر کےاحکامات پر منکیرہ میں سرکاری اراضی پرقابضین کے خلاف کریک ڈاؤن کا تسلسل برقرار،اس ضمن میں اسسٹنٹ کمشنر منکیرہ سلیم آسی نے غیر قانونی قابضین کے خلاف بڑی کارروائی کرتے ہوئے چک نمبر 7حیدرآباد قانونگوئی منکیرہ میں 3600 کنال سرکاری اراضی واگزار کروالی ہے، واگزار کی گئی صوبائی حکومت کی ملکیت اراضی زرعی نوعیت کی ہے جس کی موجودہ ڈی سی قیمت تقریباً 300ملین روپے بنتی ہے۔
وا گزار کردہ سرکاری اراضی میں تعمیر شدہ مکانات کو منہدم کر دیا گیا ہے اورقابضین کے خلاف ایف آئی آر درج کروادی گئی ہے۔
