لاہور، 08 اپریل (اے پی پی ):سینئر لیگی رہنما ساجدہ فاروق تارڑ نے حلقہ این اے 127 میں مصروف دن گزارا ، لوگوں کی غمی میں شریک ہوئیں اور ترقیاتی کاموں کا افتتاح کیا۔وہ یوسی 226 بہار کالونی کے سنیئر کارکن اعظم گھرکی کی رہائش گاہ پر گئیں اور ان کے داماد کی وفات پر تعزیت کی اور مغفرت اور درجات کی بلندی کے لیے دعا کی۔
ساجدہ فاروق تارڑ بہار کالونی میں لیگی کارکن رضیہ بی بی کے گھر گئیں اور ان کے بھتیجے کی وفات پر تعزیت کی۔ اس کے بعد وہ یوسی 225 میں لیگی کارکن مہر رضوان کی رہائش گاہ پر گئیں اور ان کی چچی کی وفات پر تعزیت اور فاتحہ خوانی کی ۔ساجدہ فاروق تارڑ یوسی 228 میں جنرل کونسلر فرینہ شریف کے گھرگئیں اور ان کی والدہ کی وفات پر تعزیت کی۔ جس کے بعد وہ یوسی 236 بھی گئیں جہاں انہوں نے سینئر لیگی کارکن ذکیہ کی بہن کی وفات پر تعزیت کی اور ا ن کی مغفرت اور درجات کی بلندی کے لیے دعا کی۔ سینئر لیگی رہنما نے یو سی 227 میں آصف انصاری کے گھر جا کر ان کی بھابھی کی وفات پر تعزیت بھی کی۔
ساجدہ فاروق تارڑ نے گرین ٹاون کی یوسی 236 میں گلی کا افتتاح بھی کیا۔ حلقہ کی کثیر تعداد موقع پر موجود تھی۔ اس موقع پر پی ایس او شہباز طالب ، خواتین کوآرڈینیٹر رابعہ افضل اور صدر پی پی 161 مہوش ارشد بھی موجود تھیں۔
