ملتان،14 اپریل (اے پی پی): ضلعی انتظامیہ کے زیر اہتمام پروقار تقریب میں 24 جوڑوں کی اجتماعی شادی کا اہتمام کیا گیا صوبائی پارلیمانی سیکرٹری رانا سلیم نے اجتماعی شادی کی تقریب کی صدارت کی اور سیکرٹری سوشل ویلفیئر و بیت المال جاوید اختر محمود اور کمشنر عامر کریم خان نے بطور مہمان خصوصی شرکت کی۔
اجتماعی شادی تقریب میں ڈپٹی کمشنر محمد علی بخاری سابق ارکان اسمبلی جاوید علی شاہ ,شیخ طارق رشید،اعجاز نون،جاوید انصاری ،مقصودہ انصاری شریک ہوئے نئے جوڑوں کی پنڈال میں آمد پر بینڈ اور روایتی جھومر ڈانس بھی پیش کیا گیا اور سیکرٹری سوشل ویلفیئر جاوید اختر محمود اور کمشنر عامر کریم خان نے جوڑوں کو فی کس ایک لاکھ کی سلامی دی۔
وزیر اعلیٰ پنجاب کی جانب سے اجتماعی شادی کے تمام جوڑوں کو ڈبل بیڈ ، میٹرس،سنگھار ٹیبل،ڈنر سیٹ اور دیگر سامان کے تحائف بھی دیئے گئے ۔ پارلیمانی سیکرٹری رانا سلیم نے کہا وزیر اعلیٰ دھی رانی پروگرام نے شادیوں میں حائل معاشرتی رکاوٹوں کو پاش پاش کردیا اور کہا ہزاروں بیٹیوں کو دھی رانی پروگرام کے ذریعے نئی زندگی شروع کرنے کا موقع دیا گیا ہے۔
سیکرٹری سوشل ویلفیئر جاوید اختر محمود نے کہا وزیراعلیٰ مریم نواز شریف پنجاب نے ہر بیٹی کیلئے شفیق ماں کا کردار ادا کیا ہے اور کہا نئے جوڑوں کو سلامی اور تحائف دینے کی ماضی میں مثال نہیں ملتی اور کہا سرکاری سطح پر ولیمہ اور 2 لاکھ روپے سے زائد کے تحائف پیش کئے جارہے ہیں۔
کمشنر عامر کریم خان نے کہا خانیوال پنجاب دھی رانی پروگرام نے ہزاروں بیٹیوں کو باعزت رخصتی کا موقع فراہم کیا اور کہا وزیراعلیٰ پنجاب کی طرف سے نوبیاہتا جوڑوں کو مبارکباد دیتے ہیں اور کہا سرکاری سطح پر سو فی صد میرٹ پر نوبیاہتا جوڑوں کی سلیکشن کی گئی ہے ۔ ڈپٹی کمشنر نے کہا نئے جوڑوں کو زندگی کے نئے سفر پر خوش آمدید کہتے ہیں۔
مہمانان خصوصی نے نئے جوڑوں کی سیٹوں پر جاکر انہیں سلامی اور تحائف پیش کئے،تقریب میں نئے جوڑوں،ان کے مہمانوں کیلئے ضیافت کا اہتمام بھی کیا گیا۔
