قصور،27اپریل(اے پی پی): ڈپٹی کمشنرقصور عمران علی اور ایڈمنسٹریٹر میونسپل کمیٹی قصور سلمون ایوب کی خصوصی ہدایات پر چیف آفیسر کاشف محمود اورمیونسپل آفیسر(پلاننگ)عرفان کاظمی کی سربراہی میں میونسپل کمیٹی قصورکی حدودمیں غیرقانونی تعمیرات کےخلاف گرینڈآپریشن کیاگیاجس میں غیرقانونی تعمیرشدہ ہاؤسنگ سکیموں کو مسمارکیاگیا، زیرتعمیراورتعمیرشدہ ہسپتال، کالجز، کمرشل تعمیرات اور متعدد دکانات کو مسمار اورسیل کردیا گیا۔ اس موقع پر میونسپل آفیسر (پلاننگ) میونسپل کمیٹی قصور سید عرفان رضاکاظمی نے “اے پی پی” سے گفتگو کرتے ہوئے بتایا کہ وزیراعلیٰ پنجاب مریم نواز کے ویژن کے مطابق اورڈپٹی کمشنرقصورعمران علی اور ایڈمنسٹریٹرمیونسپل کمیٹی قصور سلمون ایوب کی ہدایات پرغیر قانونی تعمیرات کیخلاف گرینڈ آپریشن جاری رہے گا،غیرقانونی تعمیرات کرنیوالے اپنا قبلہ درست کرلیں۔سیدعرفان رضاکاظمی نے بتایا کہ اس گرینڈآپریشن کامقصد عوام الناس کو تنبیہ کرناہے کہ تعمیرشروع کرنے سے قبل اپنے نقشہ جات میونسپل کمیٹی قصور سے منظورکروائیں اورمنظورشدہ نقشہ کے مطابق تعمیرکریں۔
