پاکستان شاہینز کا دورہ انگلینڈ ،پروفیشنل کاؤنٹی کلب سلیکٹ الیون کو 5 وکٹوں سے ہرا دیا

12

اسلام آباد، 23 جولائی (اے پی پی ): پاکستان شاہینز نے دورہ انگلینڈ کا فاتحانہ آغاز کرتے ہوئے پروفیشنل کاؤنٹی کلب سلیکٹ الیون کو پہلے ون ڈے میچ میں 5 وکٹوں سے ہرا دیا۔ کپتان سعود شکیل اور حیدر علی نے شاندار بیٹنگ کا مظاہرہ کرتے ہوئے نصف سنچریاں اسکور کیں ۔

اس موقع پر بیٹسمین حیدر علی کا کہنا تھا کہ موسم مشکل اور بیٹنگ آسان نہیں تھی، لیکن اچھا کھلاڑی خود کو ہر کنڈیشن کے ساتھ ڈھالتا ہے۔حیدر علی نے کہا کہ میں بیٹنگ کرنے آیا تو دباؤ تھا، کیونکہ تین وکٹیں جلد گر چکی تھیں،میرا ٹارگٹ سعود کے ساتھ اچھی پارٹنرشپ بنانا اوروکٹ پر زیادہ دیر کھڑا رہنا تھا۔

تین ون ڈے میچز کی سیریز کا دوسرا میچ 25 جولائی کو کینٹ کاؤنٹی کے گراؤنڈ پر ہو گا۔