ملتان 29 اگست(اے پی پی):پی ایچ اے ملتان میں دکانوں کی تاریخی بولی کا انعقاد پی ایچ اے ملتان کے زیر اہتمام لیڈیز پارک گلگشت میں 27دوکانوں کی کامیاب بولی مکمل کر لی گئی اس موقع پر ڈی جی پی ایچ اے ملتان کریم بخش،ڈائریکٹر ایڈمن اینڈ فنانس اسد علی،ہاؤسنگ اور ڈپٹی کمشنر کے نمائندے بھی موجود تھے نیلامی میں دو سو سے زائد لوگوں نے شرکت کی۔سرکاری بولی سے آغاز ہونیوالی بولی آٹھ سے دس گناہ زیادہ پر گئی۔
اس موقع پر ڈی جی پی ایچ اے ملتان کریم بخش نے کہا کہ ادارے کو دکانوں کی نیلامی سے دو کروڑ سے زائد سالانہ آمدنی ہوگی جو کہ خوش آئند ہے ادارے کی سیلف انکم میں اضافے کے لیئے بھر پور اقدامات کر رہے ہیں دیگر کینٹینز اور اسٹینڈ کی نیلامی بھی کی جائے گی۔اس موقع پر ڈی جی پی ایچ اے ملتان کریم بخش نے کہا کہ ایڈور ٹائز منٹ میں کامیاب نیلامی کے بعد دوکانوں کی نیلامی میں ہونے والی آمدنی سے ادارے کو استحکام حاصل ہوگا تاریخی بولی پر تمام آفیسران مبارکباد کے مستحق ہیں شہر کی خوبصورتی میں اضافے میں بھرپور اقدامات کر رہے ہیں۔سیلف انکم میں اضافے سے ادارے کو مضبوط بنانے میں مدد ملے گی۔
