لاہوریکم ستمبر(اے پی پی)صوبائی وزیر ہاوسنگ و اربن ڈویلپمنٹ بلال یاسین نے ننکانہ کے سیلابی علاقوں ہفت مدر ، جگ دا کوٹ ، جانی دا ٹھٹھہ سمیت دیگر سیلاب سے متاثرہ علاقوں کا دورہ کیا،وزیر ہاؤسنگ بلال یاسین نے متاثرین سیلاب کے ساتھ کھانا بھی کھایا،ڈپٹی کمشنر محمد تسلیم اختر راو، ڈی پی او فراز احمد سمیت دیگر افسران بھی ہمراہ تھے۔ڈپٹی کمشنر نے صوبائی وزیر کو سیلابی صورتحال اور جاری ریلیف سرگرمیوں بارے بریفنگ دیتے ہوئے بتایا کہ 6 امدادی ٹیموں نے 5 ہزار سے زائد سیلاب میں پھنسے افراد، 15 ہزار سے زائد جانوروں کو بھی محفوظ مقامات پر پہنچایا گیا جبکہ 09 ریلیف کیمپ قائم ، 09 خیمہ بستیاں قائم ،02 ہزار سے زائد افسران ریلیف سرگرمیوں کا حصہ ہیں،وزیر ہاؤسنگ بلال یاسین نے کہا کہ دریائے راوی ہیڈ بلوکی کے مقام پر پانی کی آمد میں کمی آئی لیکن خطرہ موجود ہے جس کے لیے ضلع میں 50 فوڈ ڈسٹریبیوشن کیمپ سے متاثرین کو خوراک کی فراہمی یقینی بنائی جا رہی ہے، بلال یاسین نے بتایا کہ ننکانہ صاحب میں بروقت اقدامات سے کوئی جان نقصان نہیں ہوا، وزیر اعلیٰ پنجاب کی ہدایت پر امدادی سرگرمیوں میں تیزی لائی گئی ہے، حکومتی مشینری کو سیلاب زدہ علاقوں میں نقصانات کا جائزہ لینے کے احکامات جاری کیے جاچکے ہیں، وزیر ہاؤسنگ نے اس عزم کا اظہار کرتے ہوئے کہا کہ کسی بھی فرد کو تنہا نہیں چھوڑیں گے، ریاستی ذمہ داری کا پوری طرح ادراک ہے۔
