ملتان 02 ستمبر )اے پی پی):ڈپٹی کمشنر وسیم حامد سندھو نے کہا ہے کہ سیلاب متاثرین کی محفوظ مقامات پر منتقلی کیلئے سرچ آپریشن جاری ہے اس سلسلے میں پولیس اور ضلعی انتظامیہ کی ٹیموں کی دریائی علاقوں میں انسپکشن کا عمل تیز کردیا گیا ہے ۔ان خیالات کا اظہار انہوں نے فلڈ ریلیف کیمپس کا دورہ کرتے ہوئے کیا اس موقع پر ڈپٹی کمشنر نے متاثرین سیلاب سے ملاقات کی۔وسیم حامد سندھو نے فلڈ ریلیف کیمپس میں سہولیات کا جائزہ لیا اور بریفنگ لی اس موقع پر ڈپٹی کمشنر نے خواتین و بچوں کیلئے الگ باتھ روم اور خیمے لگانے کے احکامات بھی جاری کئے۔ڈپٹی کمشنر وسیم حامد سندھو نے کہا کہ حکومت پنجاب کی ہدایت پر سیلاب متاثرین کیلئے 3 وقت کا کھانا اور بچوں کیلئے دورھ فراہم کیا جارہا ہے۔ہیڈ تریموں سے سیلابی ریلا ملتان داخل ہوچکا ہے۔خطرہ بڑھنے پر آبادی کو بچانے کیلئے ہیڈ محمد والا روڈ کو بریچ کرنے کا فیصلہ کیا جائے گا۔وسیم حامد سندھو کا کہنا تھا کہ بریچننگ کے بعد پانی کے بہاو سے نقصانات سے بچنے کی کوشش کررہے ہیں۔
