اسلام آباد،21 نومبر(اے پی پی ): وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال کی زیر صدارت چین میں پاکستانی طلبہ کی اسکالرشپس سے متعلق ایک جائزہ اجلاس منعقد ہوا، جس میں مختلف تعلیمی مواقع اور تعاون کے پہلوؤں پر تبادلۂ خیال کیا گیا۔
اجلاس میں اس بات کا ذکر کیا گیا کہ انسانی وسائل کی بہتری قومی ترقی کے لیے اہم ہے، اور اعلیٰ تعلیم و تحقیق سے متعلق منصوبوں کو مزید فروغ دینے کی ضرورت ہے۔ حکومتی سطح پر نوجوانوں کی تعلیمی صلاحیتیں بڑھانے اور انہیں بہتر مواقع فراہم کرنے کے اقدامات پر گفتگو ہوئی۔
اجلاس میں یہ بھی بات سامنے آئی کہ سی پیک فیز ٹو کے تحت تعلیم کے شعبے میں چین کے ساتھ تعاون کو مزید وسعت دی جائے گی۔ پاکستان میں اعلیٰ تعلیم کی شرح اور خطے کے دیگر ممالک کے اعداد و شمار پر بھی مختصر تبادلۂ خیال ہوا۔
آئندہ برسوں میں ٹیکنالوجی کے شعبوں میں اعلیٰ تعلیم یافتہ افراد کی تعداد بڑھانے سے متعلق تجاویز بھی پیش کی گئیں۔ اجلاس میں اس توقع کا اظہار کیا گیا کہ اعلیٰ تعلیم یافتہ نوجوان مستقبل میں ملکی ترقی میں مؤثر کردار ادا کریں گے۔
