راولپنڈی۔ 23 ستمبر (اے پی پی(:پاک فوج کے شعبہ تعلقات عامہ (آئی ایس پی آر) نے سعودی عرب کے قومی دن پر خصوصی نغمہ” ایک دوجے کے دل و جان” جاری کر دیا۔
آئی ایس پی آر کے مطابق یہ نغمہ برادر اسلامی ملک سعودی عرب کے قومی دن کے پرمسرت موقع پر دونوں ممالک کے درمیان لازوال رشتے اور تاریخی اخوت کو خراج تحسین پیش کرنے کے لیے جاری کیا گیا ہے۔
اردو اور عربی زبانوں کے دلکش امتزاج پر مبنی یہ نغمہ پاک سرزمین سے ارضِ حرم تک جڑے مضبوط برادرانہ تعلقات اور مشترکہ اقدار کی عکاسی کرتا ہے۔ نغمے کے بول اور دھن میں پاکستان اور سعودی عرب کی دیرینہ دوستی، باہمی دفاعی شراکت داری اور خطے میں امن کے مشترکہ عزم کو شاندار انداز میں اجاگر کیا گیا ہے۔
