اسلام آباد، 31 دسمبر ( اے پی پی): پاک بحریہ کے جہاز پی این ایس خیبراورپاکستان میری ٹائم سیکورٹی ایجنسی کےجہازژوب نے آج کویت کی بندرگاہ کا دورہ کیا۔
مشن کمانڈر کموڈور محمد سلیم اور جہازوں کے کمانڈنگ آفیسرز نے دورے کے دوران ڈپٹی چیف آف کویتی نیول فورسز اور دیگر عسکری حکام سے ملاقاتیں کیں اور باہمی دلچسپی کے امور اور دوطرفہ تعاون پر تبادلہ خیال کیا۔
پاکستانی وفد نے کویتی نیول بیس اورکویتی جہاز مسکان کا دورہ بھی کیا۔
دورےکے آخر میں دونوں ممالک کے جہازوں نےمشترکہ مشقوں میں حصہ لیا ۔ مشترکہ مشقوں کا مقصد مختلف مہارتوں اور باہمی حربی صلاحیتوں میں اضافہ کرنا تھا۔ دورے سے دونوں ممالک کے درمیان برادرانہ تعلقات کومزید فروغ ملے گا۔
اے پی پی /حمزہ رحمٰن/رضوان
وی این ایس اسلام آباد
وی این ایس اسلام آباد
