اسلام آباد، 16 جنوری (اے پی پی): وزیر اعظم عمران خان سے ایم کیو ایم کے ممبران قومی اسمبلی کی ملاقات ہوئی۔ ملاقات میں وزیر برائے انفارمیشن ٹیکنالوجی خالد مقبول صدیقی، وزیر قانون ڈاکٹر فروغ نسیم اور ممبر قومی اسمبلی سید امین الحق شریک تھے۔ وزیر خزانہ اسد عمر، معاون خصوصی نعیم الحق، ممبر قومی اسمبلی ملک محمد عامر ڈوگر بھی ملاقات میں موجود تھے۔
ملاقات میں صوبہ سندھ اور کراچی حیدرآباد جیسے بڑے شہروں کے شہریوں کو درپیش مسائل اور دونوں جماعتوں کے مابین اتحادی امور پر بھی گفتگو کی گئی ۔
وزیر اعظم نے کہاکہ سندھ کی عوام کو درپیش مسائل کا ادراک ہے،مسائل کے حل کیلئے وفاقی حکومت اپنا کردار ادا کرے گی ۔
ترقیاتی منصوبوں کے حوالے سے صوبائی سطح پردونوں جماعتوں کے درمیان کوارڈینیشن کی مزید بہتری کےلیے گورنر سندھ عمران اسمٰعیل کی سربراہی میں کمیٹی کے قیام کا فیصلہ کیا گیا۔
کراچی سرکولر ریلوے کی بحالی اور تکمیل میں درپیش مسائل کو ترجیحی بنیادوں پر حل کرنے حوالے سے بھی گفتگو ہوئی۔
وزیر اعظم عمران خان آئندہ ماہ حیدر آباد یونیورسٹی کا سنگ بنیاد رکھیں گے۔
اے پی پی/حمزہ/نائلہ
وی این ایس اسلام آباد
