جدہ،جنوری 30 (اے پی پی):سعودی عرب کے ساحلی شہر جدہ میں پہلے سینما گھر کا افتتاح ہو گیا ہے،سمعی و بصری ابلاغ کارپوریشن کے ایگزیکٹیو چیئرمین بدر الزہرانی نے سینما گھر کا افتتاح کیا۔ اس موقع پر اعلیٰ عہدیدار، سرمایہ کار ، میڈیا کے نمائندے اور فلمی دنیا کے ماہرین کثیر تعداد میں موجود تھے۔ یہ سینما گھر 6ہالوں پر مشتمل ہےاور اعلی انداز میں ڈیزائن کیا گیا ہے،یہاں پر بچوں کا ایک ہال انتہائی پرکشش شکل میں بنایا گیا ہے۔
مکہ مکرمہ گو رنمنٹ نے ٹویٹر پر اپنے اکاﺅنٹ میں اطلاع دی تھی کہ سال رواں اور آئندہ سال جدہ میں 5سینما گھر کھولے جائیں گے۔ریڈ سی سینماگھر 12اسکرینز پر مشتمل ہے۔ اندلس مال میں 27اسکرین ، اسٹار ایونیو میں 9اسکرینز پر مشتمل سینما گھروں کا افتتاح رواںسال ہوگا جبکہ 2020ءکے دوران ابحر مال میں 11اسکرینز اور المسرة مال میں6اسکرینز پر مشتمل سینما گھر کھولے جائیں گے۔ آج سے عام شائقین ریڈ سی مال سینما میں فلم دیکھ سکیں گے ۔
اے پی پی /امیر محمد خان /نائلہ
سورس:وی این ایس ،جدہ
