پاکستان، پاک عمان تعلقات کو انتہائی قدر کی نگاہ سے دیکھتا ہے:وزیر خارجہ مخدوم شاہ محمود قریشی

205

اسلام آباد، 31 جنوری (اے پی پی):وزیرخارجہ مخدوم شاہ محمود قریشی نے کہا ہے  کہ پاکستان، پاک عمان تعلقات کو انتہائی قدر کی نگاہ سے دیکھتا ہے۔

وزیر خارجہ مخدوم شاہ محمود قریشی کی عمان کے نائب وزیر اعظم سید فہد بن محمد السید سے ملاقات  ہوئی  جس میں دوطرفہ تعلقات ،خطے کی صورتحال سمیت اہم علاقائی اور عالمی امور پر تبادلہ خیال کیا گیا۔

 وزیر خارجہ مخدوم شاہ محمود قریشی نے عمانی نائب وزیر اعظم کو افغانستان سمیت اہم علاقائی مسائل پر پاکستان کے نقطہ نظر کے حوالے سے اعتماد میں لیا۔

عمانی نائب وزیر اعظم سید فہد بن محمد السید نے عمان کی تعمیر و ترقی میں یہاں مقیم پاکستانی کمیونٹی کے کردار کی تعریف کی  اور دونوں رہنماؤں نے دو طرفہ تجارت اور سرمایہ کاری کے فروغ سے باہمی تعلقات کو مزید آگے بڑھانے پر اتفاق کیا۔

اے پی پی/حمزہ رحمٰن/قراۃالعین

سورس: وی این ایس، اسلام آباد