پاکستان اور چین کے درمیان کراچی تا پشاور ریلوے ٹریک اپ گریڈیشن معاہدے پر دستخط

478

بیجنگ مئی 15

(اے پی پی):  کراچی سے پشاور تک ریلوے مین لائن ون کی اپ گریڈیشن کے فریم ورک ایگریمنٹ پر دستخطوّںکی تقریب منسٹری آف ٹرانسپورٹ بیجنگ، چین میں ہوئی۔

پاکستانی وفد کی قیادت وزیر ریلویز خواجہ سعد رفیق نے کی، تقریب میں وزیراعلیِ خیبرپختونخواہ پرویز خٹک، وزیراعلیِ سندھمراد علی شاہ، وزیراعلیِ بلوچستان ثناء اللہ زہری، سیکرٹری ریلویز مسز پروین آغا، سیکرٹری مواصلات اور دیگر بھی شریکہوئے جبکہ  چینی وفد کی قیادت چین کے وزیر ٹرانسپورٹ مسٹر لی نے کی، واِئس منسٹرز اور دیگر حکام وفد میں شامل تھے۔

چین کے وزیر ٹرانسپورٹ نے اس موقعے پر وزیر ریلویز پاکستان خواجہ سعد رفیق کو سووینئیر بھی پیش کیا۔ مییٹگ میں ایم ایلون ، کے سی آر ، پشاور اور کوئٹہ ماس ٹرانزٹ اور ہائی ویز کی ڈوییلپمنٹ کے منصوبوں پر تفصیلی تبادلہ خیال ہوا۔ خواجہ سعدرفیق نے کہا کہ  ایم ایل ون کی اپ گریڈیشن کا معاہدہ تاریخ ساز ہے، پاکستان ریلویز میں جدت کی بنیاد رکھی جا رہی ہے۔ ایم ایلون تینوں صوبوں کو ملاتی ہے مگر اس سے چاروں صوبوں کے مسافروں  کو فائدہ ہو گا اور پاکستانی عوام مال برداری اور سفرکی زیادہ بہتر سہولتوں سے فائدہ اٹھا سکیں گے۔ خواجہ سعد رفیق نے زور دے کرکہا کہ چین کے حکام سے درخواست ہے کہ وہکراچی سرکلر ریلوے اور پشاور اورکوئٹہ ماس ٹرانزٹ ریل منصوبوں پر کام تیز کریں۔ خواجہ سعد رفیق کی طرف سے تینوںصوبوں کے پراجیکٹس کے حوالے سے زور دینے پر چین کے وزیر ٹرانسپورٹ مسٹر لی کی کراچی، پشاور اور کوئٹہ کےمنصوبوں پر کام تیز کرنے کی یقین دہانی بھی کروائی۔ مسٹر لی نے کہا کہ چین  کے صدر مسٹر شی کی سپورٹ اور پاکستانیوزیراعظم نواز شریف کی قیادت میں یہ منصوبے پاکستانی عوام کے لئے ایک تحفہ ہیں۔ اے پی پی حمزہ

وی این ایس بیجنگ