تھرپارکر،21 جنوری ( اے پی پی): پاک آرمی اور ضلعی انتظامیہ تھرپارکر کی جانب سے تین روزہ سائیکلنگ ریس کا آغاز مٹھی میں ہو گیا ہے ، پہلے مرحلے میں 60 سائیکلسٹ حصہ لے رہے ہیں ۔ سائیکلنگ ریس میں حیدرآباد ،سکھر ، لاڑکانہ ، ٹھٹہ ، میرپورخاص ،نوابشاہ اور پاک آرمی کی دو ٹیمیں حصہ لے رہی ہیں ۔
سائیکلنگ ریس 21، 22 اور 23 جنوری تک منعقد ہوں گی ، سائیکلسٹ کو تین مرحلوں میں 180کلو میٹر تک کا سفر طے کرنا ہوگا ، یہ پروگرام پاک آرمی انویٹیشن ٹوئر دی تھرپارکر پاکستان زندہ باد سائیکل ریس کے عنوان کے تحت شروع کیا گیا ہے ۔
اس موقع پر ایڈیشنل ڈپٹی کمشنر ون سید کبیر شاہ، سماجی اداروں کے نمائندگان اور شائقین نے بڑی تعداد میں شرکت کی ۔