اسلام آباد،25نومبر (اے پی پی):سربراہ پاک فضائیہ ایئر چیف مارشل ظہیر احمد بابر سدھو سے اٹلی کی سیکرٹری جنرل برائے دفاع و نیشنل آرمامنٹ ڈائریکٹر کی سربراہ لیفٹیننٹ جنرل لوسیانو پورٹولانونے جمعرات کوانکے دفتر میں ملاقات کی۔ملاقات میں اٹلی کی سیکرٹری جنرل برائے دفاع و نیشنل آرمامنٹ ڈائریکٹر کی سربراہ نے پاک فضائیہ کی پیشہ ورانہ مہارت اور پی اے ایف کیطرف سے گذشتہ سالوں میں بالخصوص خود انحصاری کے میدان میں ہونے والی غیر معمولی پیشرفت کو سراہا۔
ایئر چیف نے کہا کہ دونوں ممالک کے درمیان خوشگوار تعلقات قائم ہیں۔ انہوں نے دونوں فضائی افواج کے مابین موجودہ دوطرفہ تعاون کو مزید فروغ دینے کے عزم کا اعادہ بھی کیا۔ ملاقات کے دوران باہمی دلچسپی اور پیشہ ورانہ تعاون کے مختلف امور بھی زیربحث آئے۔
