سکھر،05دسمبر ( اے پی پی ): سندھی ثقافت کواجاگر کرنے کیلئے جاگو جوگی اتحاد کے زیر اہتمام سکھر پریس کلب تک ایک ریلی نکالی گئی جس کی قیادت جاگو جوگی اتحاد سندھ کے صدر و مختلف جوگی رہنماؤں نے کی۔
اس موقع پر ریلی کے شرکاءنے ہاتھوں میں سانپ اٹھا رکھے تھے اور بین و بانسری کی دھن پیش کرتے ہوئے سندھ سے اپنی محبت کا اظہار کر رہے تھے۔ بین کی دھن پر سانپ بھی بین بجنے پر خوشی میں رقص پیش کرتے ہوئے جھوم رہے تھے۔
اس موقع پر جوگی رہنماؤں کا کہنا تھا کہ اس ریلی کے انعقاد کا مقصد سندھ کی ثقافت کو اجا گر کرنا ہے۔ ان کا کہنا تھا کہ سندھ کی ثقافت کی ایک لازوال تا ریخ ہے جس کو اجاگر کرنے کے لیے میدان میں آئے ہیں۔ سندھی ثقافت کا دن ہما رے لیے کسی عید سے کم نہیں ہے۔ انہوں نے سندھ کے لو گوں سے کہاکہ وہ اپنی ثفاقت کو فروغ دیں اور اس کے لیے کام کریں۔
