کراچی،31 دسمبر(اے پی پی):چیف آف دی نیول اسٹاف ایڈمِرل محمد امجد خان نیازی نے کہا ہے کہ پاک بحریہ خطے میں سمندری تحفظ، گوادر پورٹ اور سی پیک کی سکیورٹی میں انتہائی اہم کردار ادا کر رہی ہے۔
ان خیالات کا اظہار انہوں نے جمعہ کو یہاں پاک بحریہ کی سالانہ فلیٹ ایفیشنسی پَریڈ برائے سال 2021 کی تقریب سے خطاب میں کیا۔نیول چیف نے پاکستان نیوی فلیٹ کی آپریشنل تیاریوں پر اطمینان کا اظہار کیا اور کہا کہ پاک بحریہ دشمن کی کسی بھی جارحیت کا منہ توڑ جواب دینے کے لیے ہمہ وقت تیار ہے۔
نیول چیف نے فرائض کی انجام دہی میں فلیٹ یونٹس اور افسران کے جذبے کو سراہا اور بہترین کارکردگی کا مظاہرہ کرنے والے یونٹس کو اعزازی شیلڈز سے نوازا۔
