لاہور، 28 جولائی ( اے پی پی): وزیراعلیٰ پنجاب چودھری پرویز الہیٰ کی وزیراعلیٰ آفس آمد،وزیراعلیٰ چودھری پرویز الہیٰ کو آمد پر گارڈ آف آنر پیش کیا گیا اور پولیس کے چاق و چوبند دستے نے سلامی پیش کی۔وزیراعلیٰ چودھری پرویز الہیٰ نے گارڈ آف آنر کا معائنہ کیا اور وزیراعلیٰ آفس کے سٹاف سے ملاقات کی ۔
وزیراعلیٰ چودھری پرویز الٰہی نے سٹاف کو جانفشانی سے سرکاری فرائض انجام دینے کی ہدایت کی اور دعائے خیر کرائی ۔اراکین اسمبلی نے چودھری پرویز الہیٰ کو وزارت اعلیٰ کا منصب سنبھالنے پر مبارکباد دی ۔
سابق وفاقی وزیر مونس الہیٰ ،اراکین پنجاب اسمبلی راجہ بشارت، حافظ ممتاز احمد، رفاقت گیلانی،علی عباس شاہ، عمر فاروق، محمد رضوان، پرنسپل سیکرٹری وزیر اعلی پنجاب محمد خان بھٹی، دیگر منتخب نمائندے اور متعلقہ حکام بھی اس موقع پر موجود تھے۔
